انا العاشق لمحياك رغم انه مش اجمل الوشوش

الخميس، 9 أكتوبر 2014

انا العاشق لمحياك رغم انه مش اجمل الوشوش

انا العاشق لمحياك
رغم انه مش اجمل الوشوش
عاشقك يا ام الاهل والاحباب
عاشقك بوجه عابث وساعات بشوش
عاشقك فى الفرح وساعة الحزن واقف على بابك
اداوى الأحبة وأشد الهمم والركاب
وازرع البسمة تطرح سنابل وريحان
عاشقك بعقل وقلب حنون
وواقف على قدمى ومتعافى
متحمل الغلا والجوع
ماانتِ عارفه ثورتى عزة وكرامة
ضد الديابه والطور المتغابى
بصراحة مـ الآخر
نفسى اهاجرك بس مش قادر
مش هحلف بسماها ولا بترابها
ولا هقول مشربتش من نيلها
ولا حتى مرار طافح من كعانها
ولا هقول فيها حاجة حلوه و راحت
مش هقول بلد الرسالات ولا فرعون وهامان
ولا هقول خير الجُند وحصن امان
ولا هقول شر البشر و سجن وسجان
مش هحلف بالأغانى ولاكلام الغوانى
مش هحلف بدم الشهداء وحرق المساجد
ولا هحلف بصوتى اللى انعدم تحت البيادة
هحلف برب الكون وانا ليه موحد و ساجد
بحبك يا بلدى ... بحبك يا مصر :)